Mwanaharakati na Mwandishi wa Vitabu kuhusu Sayansi ya Kilimo kutoka nchini Uingereza Mark Lynas (kulia), akitoa mada kwenye mafunzo ya uandishi wa habari za kilimo Sayansi kuhusu Teknolojia ya Uhandisi Jeni (GMO) kutoka mikoa mbalimbali na nje ya nchi yaliyofanyika jijini Dodoma leo.
Wanahabari wakiwa kwenye mafunzo hayo.
Mafunzo yakiendelea.
Muonekano wa ukumbi katika mafunzo hayo.
Mratibu wa OFAB nchini Tanzania, Dk.Philbert Nyinondi, akichangia jambo kwenye mafunzo hayo.
Mtafiti wa Kilimo, Justin Ringo, kutoka Kituo cha Utafiti cha TARI-Ilonga mkoani Morogoro, akichangia jambo.
Mwanahabari Dino Mgunda akichangia jambo.
Mwanahabari David Rwenyagila akichangia jambo.
Mwanahabari Benson Eustace akiuliza swali.
Mafunzo yakiendelea.
Ofisa Mwandamizi kutoka Ofisi ya Makamu wa Rais Mazingira Thomas Chali, akielezea kuhusu kanuni za matumizi ya GMO hapa nchini.
Mhariri Mtendaji wa Taasisi ya Cornell Alliance for Science Bi. Joan Conrow kushoto), akielezea jinsi ya kuandika habari zinazohusu GMO. Kulia ni Mwanaharakati na Mwandishi wa Vitabu kuhusu mabadiliko ya hali ya hewa na mazingira kutoka nchini Uingeleza Bw. Mark Lynas.
Muonekano wa ukumbi wa mafunzo hayo.

Na Dotto Mwaibale, Dodoma.

WAANDISHI wa Habari nchini wametakiwa kutumia taaluma zao kuelimisha jamii kuhusu Teknolojia ya Uhandisi Jeni (GMO) hasa katika sekta ya kilimo.

Akitoa mada katika mafunzo kwenye mafunzo ya uandishi wa habari wa kilimo sayansi kuhusu GMO kutoka mikoa mbalimbali na nje jijini Dodoma leo Ofisa Mwandamizi
kutoka Ofisi ya Makamu wa Rais Mazingira Thomas Chali alisema waandishi wa
habari ni wa muhimu katika kutoa mafunzo kupitia taaluma zao.

Katika hatua nyingine Chali alisema pamoja na kuwepo kwa Sheria ya uwepo Teknolojia ya Uhandisi Jeni (GMO) nchini bado zipo changamoto kuu tano katika usimamizi wa teknolojia hiyo ya kisasa.

Alisema Sheria ya Tanzania inaruhusu matumizi na kufanyika kwa tafiti mbalimbali zinazohusu GMO ila kinachohitajika ni taratibu kufuatwa ili kuhakikisha usalama unakuwepo.

Alisema pamoja na kuwepo kwa sheria hiyo changamoto ya uelewa mdogo, uchache wa wataalam, uhaba wa miundombinu, uwepo wa mfumo wa uwajibikaji na wasiwasi wa baadhi ya watu ni mambo ambayo wanayafanyia kazi ili kuhakikisha tekonolojia hiyo inakuwa na manufaa nchini na kwa wananchi.

Ofisa huyo alisema ili kuhakikisha wanaenda pamoja katika kutatua changamoto hiyo wamekuwa wakitoa elimu, kuwajengea uwezo watu mbalimbali kuhusu teknolojia hiyo.

Chali alisema Serikali inatambua fursa zilizopo katika matumizi ya bioteknolojia ya kisasa kwenye kuendeleza sekta ya kilimo nchini ambayo ni mkombozi wa wananchi kwa asilimia kubwa.

Akichangia Mada kuhusu GMO, Mwanaharakati na Mwandishi wa Vitabu kuhusu Sayansi ya Kilimo kutoka nchini Uingereza,Mark Lynas alisema waandishi wa habari ni watu muhimu katika mafanikio ya jamii yeyote hivyo wanawajibu wa kutumia taaluma yao kuwabadilisha na kuelezea teknolojia hiyo ya kisasa.

"Mimi ni mmoja ya watu ambao nilikuwa napinga GMO lakini baada ya kupata elimu ya kutosha nikaelewa na sasa nimekuwa mwanaharakati mzuri ambaye nimeandika vitabu vya kilimo sayansi,"alisema.

Alisema GMO kwa sasa imethibitishwa na taasisi na mashirika mbalimbali duniani kama American Association for the Advancement Science (USA), National Academia of Science (USA), Royal Society (UK), African Academia of Science na Shirika la Afya Duniani (WHO) kuwa haina madhara katika kilimo.

Mwanaharakati huyo alisema kwa sasa bidhaa za GMO zinatumika kwa binadamu na mifugo kote duniani hivyo hakuna namna ya kuikwepa.

Aidha Mwandishi huyo alisema GMO  inaonesha matokeo chanya kwa wakulima ambapo wanavuna mazao kwa asilimia 200 tofauti na awali.

Pia aliongeza kuwa teknolojia hiyo imekuwa mkombozi katika maeneo yaliyoathirika kwa mazingira na mabadiliko ya tabia nchi.

Lynas alisema hoja za baadhi ya watu kuwa GMO inasababisha magonjwa ya saratani na vichwa vikubwa haina mashiko katika ulimwengu  wa sasa.

Mafunzo hayo yameandaliwa na Jukwaa la Wazi la Kilimo na Teknolojia Afrika (OFAB) kwa kushirikiana na Chuo Kikuu cha Cornell cha Marekani, Cornell Alliance for Science na African Agricutural Technology Foundation (AATF).
By Proff.

Jana usiku ndugu Hubert Mufuruki alituma kwenye group la 'THE UPCOMING HEROES' orodha ya mambo 9 ya kusaidia kiusalama kwa Wanasiasa, wanaharakati au wafanyabiashara wakubwa. Nilipoyasoma nimeongezea mengine 16 na hivyo kufanya jumla kuwa 25. Ni mambo yatakayokusaidia kwa ajili ya usalama wako hasa kama wewe ni Mwanasiasa, Mwanaharakati, au Mfanyabiashara mkubwa;

1. Usimuamini SANA mtu mwingine hasa asiye ndugu yako. Hata kama ni rafiki inabidi uwe na 'limit'katika kumuamini. Kwa maisha ya sasa pesa ina nguvu kuliko kitu chochote. Kwa ushawishi wa pesa mtu yeyote aweza kuuza ramani ya wewe kukamatwa kwa kutumia advantage ya urakifi wenu.

2. Usijulikane ratiba yako ya kutoka na kurudi nyumbani. Yani ukiwepo na usipokuwepo watu wasione tofauti kubwa. Pia kama una gari usizoee kutoka na gari siku zote. Siku nyingine panda bodaboda, au daladala, na hata kutembea kwa miguu. Kama una gari zaidi ya moja, jifunze kubadili gari. Usiendeshe hiyohiyo kila siku hadi watu wakariri. Kama unarudi nyumbani usiku usiwe na njia moja ya kurudia.

3. Usipende kutabirika katika baadhi ya mambo kama vile chakula au kinywaji ukipendacho. The only person to know your "favourite dish" ni mkeo/mumeo. Leo ukikutana na marafiki ukala kuku choma, kesho kula chips mayai, next time usile kabisa. Mtu akijua chakula ukipendacho ni rahisi kukudhuru. Kama ni kinywaji do as much as possible kunywa chochote ili mradi hakikupi shida. Leo kunywa juice, kesho beer, next time maji. Sio kila siku unakunywa kinywaji kimoja, kiasi kwamba wenzio wanaweza kukuagizia kabla hata hujafika. Hii ni hatari.!

4. Usipende sana kula au kunywa kwa mtu ambaye hujamzoea sana. Umekutana na mtu mara ya kwanza au ya pili unaagiza chakula/kinywaji. Don't dare. Kama una njaa hakikisha umekula kwanza kabla ya kukutana nae.

5. Kama umeacha kinywaji nusu ukaenda 'washroom' ukirudi usitumie kilichobaki. Agiza kingine. Na usipende sana kutumia glass kwa mtu ambaye hujamzoea.

6. Usipende kumaliza kinywaji unapojitayarisha kuondoka mahali popote. Ondoka ukiwa umeacha sehemu ya kinywaji mezani. Mtu akijua unataka kuondoka na unamalizia kinywaji anaweza kukuwekea chochote katika kinywaji chako ukadhurike mbele ya safari.

7. Usipende sana kuweka picha wala taarifa za familia yako kwenye mitandao (watoto, mke, mume, wazazi etc). Pia usipende kuweka wazi taarifa zao nyingine kama vile anapofanya kazi mumeo/mkeo, au aina ya biashara anayofanya. Strangers wanaweza kumdhuru mwanao, mwenzi wako au mzazi wako ili kukufanya upunguze nguvu ya harakati. Pia wanaweza kumharibia mumeo/mkeo anapofanyia kazi au kuhujumu biashara zake ili uwe busy kujipanga kimaisha upunguze nguvu kwenye harakati.

8. Maisha yako binafsi yabaki kuwa ya kwako. Don't put in public mahali unapoishi, aina ya gari unayoendesha (wala namba zake), idadi ya watoto ulionao etc. Pia usipende sana kupiga picha kwenye mazingira ya nyumbani kwako (iwe nje au ndani). Usiwakaribishe watu usiowafahamu vizuri nyumbani kwako. Hii mambo ya kukutana na mtu kwenye group la whatsapp kesho anataka kuja kwako, itakuja kukucost.

9. Hakikisha namba yako ya simu inayojulikana na watu wengi haipo kwenye smart phone ili kuepuka kuwa tracked. We hujiulizi kwanini watu wengi siku hizi wana simu za vitochi? Namba yako iliyo public weka kwenye kitochi, kwenye smart phone weka namba unayowasiliana na watu maalumu tu, hasa familia yako.

10. Usipende kuwasha 'location' kwenye simu yako. Ukizima 'location' kama mtu anakutrack ataona mnara unaotumia (CL site) lakini hatajua hasa uko wapi. Yani kwa mfano umezima location mtu anayekutrack ataoneshwa simu yako inatumia mnara wa Muhimbili. Kwahiyo atakuja mpaka Muhimbili lakini hatajua upo exactly sehemu gani. Kwahiyo ili akupate inabidi azunguke zunguke maeneo yote ya Muhimbili. Lakini kama umewasha 'location' akikutrack ataoneshwa mpaka wodi uliyopo.

11. Ukipigiwa simu ukaulizwa upo wapi (hata kama ni mzazi wako) danganya uwepo wako. Kama upo Dar sema upo Bagamoyo. Kama upo Moshi sema uko Usa river. Danganya location yako hata kwa umbali wa kilomita 100. Hii itawachanganya wanaokufuatilia, maana wataona CL site inasoma tofauti na maelezo yako.

12. Tengeneza "code language" kisha share na mtu unayemuamini. Mnaweza kuwa na kikundi chenu kwa ajili ya kupeana taarifa kwa codes. Kwa mfano 'D3' maana yake unafuatiliwa, 'S4' means upo kwenye hatari, 'EL5' means upo kwenye hatari kubwa zaidi. Hii itasaidia kuwapa wenzio taarifa kirahisi pale unapojihisi haupo salama. Kumbuka watekaji hawakupi muda wa kutosha kupiga simu au kutuma sms na kuanza kutoa maelezo marefu. Kwahiyo ni vizuri uwasiliane kwa codes. Ukishajihisi upo kwenye hatari piga simu taja code husika then kata. Uliyempigia atajua upo kwenye hatari ataanza kusambaza taarifa za kukusaidia.

13. Usipende sana kutembea peke yako hasa nyakati za usiku. Kama mnakunywa mahali hakikisha kuna mtu uko nae utakayekwenda nae mpaka nyumbani kwako. Otherwise ondoka mapema.

14. Kama huwa unatumia bodaboda, Bajaj au Ubber usiwe na mtu 'specific' wa kukubeba. Anaweza kutumika kukudhuru. Jifunze kubadilisha. Leo ukipanda hii, kesho nyingine. Usijenge mazoea na yeyote.

15. Badilisha simu yako ya smartphone kila baada ya miezi mitatu. Itasaidia kubadili IMEI namba yako.

16. Hakikisha namba yako ya whatsapp ukipigiwa haipatikani. Na kama itabidi kupatikana basi iweke kwenye simu ya tochi. Otherwise unaweza kusajili namba hata nje ya nchi ukawa unaitumia whatsapp lakini ukipigiwa haipatikani. Hii ina manufaa sana kiusalama.

17. Usipende sana kutuma sms za kawaida au kupiga simu kwa njia ya kawaida kwa mambo sensitive. Kumbuka sms zote unazotuma kwa njia ya kawaida zinaweza kusomwa na simu zote zinaweza kusikilizwa na kutumika kama ushahidi mahakamani (kumbuka kesi ya Lema) if the need arise. Hakuna privacy kwenye sms wala simu za kawaida. Usijiachie sana huko. Fanya mawasiliano ya kawaida kama kuwapigia wazazi na kuwasalimia, lakini si9 mambo sensitive.

18. Njia ambayo kwa sasa ni salama kupiga simu na kutuma text ni Whatsapp na Telegram, kwa sababu taarifa inatoka kwa mtumaji kwenda kwa mpokeaji moja kwa moja kwa kupitia 'domain' ambayo ipo Marekani. Hakuna mtu wa kati kuwasikiliza. Na kama kuna mtu anafuatilia taarifa zako basi inabidi aombe kwenye server Marekani, jambo ambalo si rahisi. Kwahiyo kama una issue sensitive piga whatsapp call au andika text kwa whatsapp. Privacy ni 100% guaranteed. Naposema whatsapp simaanishi kwenye magroup. Huko kwenye magroup kuna mashushushu kibao. Be careful.

19. Usipende kujiunga magroup usiyoyafahamu vizuri. Siku hizi kuna mashushushu wapo kazini, wanaanzisha magroup na kuwaingiza mkenge vijana. Mtu anaandika kwenye facebook "weka namba yako nikuadd kwenye group fulani" na wewe unaweka. Acha uzwazwa. Au anatuma link anakuambia click ujiunge kwenye group fulani na wewe unajiunga fasta. Hujui muasisi wa group ni nani, limeanzishwa kwa malengo gani, unajipeleka kichwakichwa tu. Ukiwa huko unaanza kufunguka na kujikuta matatizoni.

20. Kama wewe ni Admn wa group usiadd watu usiowajua vizuri. Unaletewa namba ya mtu humjui unaambiwa "Admn add huyo jamaa ni kamanda wetu mpiganaji yupo Kigoma" na wewe una add tu kama zwazwa, kumbe ni namba ya OCS Oysterbay.

21. Usiwaamini sana rafiki wa rafiki zako au rafiki wa ndugu zako. Mmekutana mnakunywa, halafu kesho anakupigia. Mimi fulani rafiki yake mjomba wako tulikunywa wote jana. Mnaanzisha mawawasilino, unamkaribisha nyumbani kwako. Anaomba kwenda toilet kumbe anasoma ramani ya nyumba. Be careful.

22. Ukiwa unarudi nyumbani (hasa nyakati za usiku) hakikisha geti la nyumbani liko wazi. Mpigie mlinzi afungue, kama huna mlinzi basi whoever available akufungulie kabla hujafika nyumbani. Usisubiri ufike kisha ndipo upige honi ufunguliwe. My friend utaumia.

23. Kama upo barabarani hasa nyakati za usiku kila baada ya dakika mbili angalia kama unafuatiliwa. Ukihisi kufuatiliwa ingia hata kituo cha mafuta zuga kidogo, na kama wanaokufuatilia nao wataingia au kupunguza mwendo wakusubiri utoke, jua upo kwenye hatari. Anza kujulisha watu wako wa karibu kwa code language.

24. Kama una usafiri binafsi hakikisha gari yako kila siku haipungui mafuta nusu tenki, ili hata kama unakimbizwa uwe na uwezo wa kwenda mwendo mrefu. Sio unakimbizwa kutokea Morocco unafika Magomeni mafuta yanaisha. Huo ni uzembe.

25. Kama una uwezo hakikisha unamiliki silaha na muda wote upo nayo, lakini watu wasijue kama unamiliki silaha. Hii itakusaidia unaposhambuliwa kuweza kujihami, na kujiokoa katika baadhi ya situations. Usikubali kutekwa kirahisi.
Mmoja wa Wakufunzi wa mafunzo ya Mfumo wa Tathmini na Upimaji wa Wazi wa Utendaji Kazi (OPRAS) kutoka Tume ya Utumishi wa Walimu, Bibi Neema Lemunge akiwasilisha mada katika mafunzo ya kuandaa timu ya wawezeshaji wa mafunzo ya OPRAS (hawapo pichani) ngazi ya Taifa. Mafunzo hayo yamehitimishwa mwishoni mwa wiki jijini Dodoma.
Mmoja wa Wakufunzi wa mafunzo ya Mfumo wa Tathmini na Upimaji wa Wazi wa Utendaji Kazi (OPRAS) kutoka Mradi wa Uimarishaji wa Mifumo ya Sekta za Umma (PS3), Bw. Geofrey Lufumbi akiwasilisha mada katika mafunzo ya kuwaandaa wawezeshaji wa mafunzo ya OPRAS (hawapo pichani) ngazi ya Taifa.
Baadhi ya wataalam wa timu wa wawezeshaji wa mafunzo Mfumo wa Tathmini na Upimaji wa Wazi wa Utendaji Kazi (OPRAS) ngazi ya Taifa wakifuatilia mmoja ya watoa mada (hayupo pichani).
 Afisa Utumishi Mwandamizi kutoka Tume ya Utumishi wa Walimu, Bibi Shani Kamala akitoa mada katika mafunzo ya kuwaandaa wawezeshaji (hawapo pichani) wa mafunzo ya Mfumo wa Tathmini na Upimaji wa Wazi wa Utendaji Kazi (OPRAS) ngazi ya Taifa.
Baadhi ya wataalam wa timu ya wawezeshaji wa mafunzo Mfumo wa Tathmini na Upimaji wa Wazi wa Utendaji Kazi (OPRAS) ngazi ya Taifa wakifuatilia mafunzo.
Wataalam wa timu ya uwezeshaji wa mafunzo ya Mfumo wa Tathmini na Upimaji wa Wazi wa Utendaji Kazi (OPRAS) ngazi ya Taifa wakifanya moja ya mazoezi yaliyotolewa mafunzo hayo.
Wataalam wa timu ya uwezeshaji wa mafunzo Mfumo wa Tathmini na Upimaji wa Wazi wa Utendaji Kazi (OPRAS) ngazi ya Taifa wakifanya moja ya mazoezi yaliyotolewa katika mafunzo hayo.
---
Tume ya Utumishi wa Walimu kwa kushirikiana na Ofisi ya Rais, TAMISEMI pamoja na Mradi wa Uimarishaji wa Mifumo ya Sekta za Umma (PS3) wameendesha mafunzo ya kuwaaandaa wataalamu ngazi ya taifa wa kutoa mafunzo ya Mfumo wa Tathmini na Upimaji wa Wazi wa Utendaji Kazi (OPRAS) kwa ajili ya walimu wa shule za msingi na sekondari nchini.

Mafunzo hayo yaliyofanyika kwa siku nne mfululizo na kuhitimishwa mwishoni mwa wiki jijini Dodoma yamewandaa wawezeshaji ngazi ya Taifa ambao watakwenda kuwajengea uwezo wawezeshaji katika ngazi ya Malaka za Serikali za Mitaa.

Wawezeshaji ngazi ya Mamlaka za Serikali za Mitaa wanatarajiwa kutoa mafunzo kwa Wakuu wa Shule na Walimu Wakuu ambao nao watatoa elimu hiyo kwa waalimu wanaowasimamia katika shughuli za kila siku na ambao ndio walengwa wakubwa wa mafunzo hayo.

Akitoa mada katika Mafunzo hayo, mmoja wa Maafisa wanaoshughulikia masuala ya Walimu kutoka Tume ya Utumishi wa Walimu, Bibi Neema Lemunge alisema kuwa kumekuwa na changamoto mbalimbali katika matumizi ya OPRAS kwa walimu kitu kinachopunguza ufanisi katika kufikia malengo ya kazi.

“Mwezi February, 2017 Serikali kwa kushirikiana na Mradi wa PS3 ilifanya utafiti kubaini sababu zinazofanya OPRAS kuendelea kuwa changamoto kwa watumishi wa umma na kutoa mapendekezo ya kukabiliana na changamoto hizo” alisema.

Alitaja changamoto zilizobainishwa kuwa ni kutokuwepo kwa uelewa wa kutosha juu ya umuhimu wa OPRAS kwa walimu, kutokuwepo kwa usimamizi thabiti katika kuhakikisha mfumo huo unatekelezwa kama inavyotakiwa pamoja kutokuwepo kwa taratibu madhubuti katika kufanya ufwatiliaji na tathmini.

Aliongeza kuwa “changamoto nyingine iliyobainishwa ni suala la ujazaji wa fomu ya OPRAS hususan katika kuweka sahihi wa malengo ya mtumishi unaoshabihiana na upimaji sahihi wa utendaji wa kazi”.

Alisema kuwa katika kukabiliana na changamoto hizo, Serikali kwa nyakati mbalimbali imechukua hatua za kurejesha uthabiti wa matumizi ya mfumo huo zikiwemo kufanya tafiti pamoja na kutoa nyaraka za maelekezo na miongozo ya kutekeleza mfumo huo.

Ameeleza kuwa Serikali iliweka mikakati ya namna ya kulifanyia kazi suala la kujaza fomu ya OPRAS ikiwemo kuzitambua kada za utumishi wa umma zenye uhitaji mkubwa wa ufumbuzi katika uwekaji malengo, kuchambua mwongozo unaoelekeza namna ya uwekaji malengo na kupendekeza utaratibu wa uwekaji malengo na kutoa elimu kwa watumishi wa ngazi hizo ili utaratibu pendekezwa uanze kutumika.

Naye mmoja wa wakufunzi katika mafunzo hayo kutoka PS3, Bw. Geofrey Lufumbi alisema kuwa lengo la mradi wa PS3 ambao unafanya kazi katika Mikoa 13 yenye Halmashauri 93 ni kutoa msaada wa kitaalamu kwa Serikali katika kuimarisha mifumo ya sekta za umma ili kuboresha ufanisi wa utoaji wa huduma kwa jamii.

Hivyo, mafunzo hayo yatasaidia kuongeza tija kwa walimu ambapo watakuwa wanajiwekea malengo mahusus, yanayopimika, yanayofikika, yenye uhalisia na ambayo yanawekewa muda maalum wa utekelezaji.

Mafunzo hayo yaliwahusisha Walimu, Maafisa Utumishi na Maafisa Elimu kutoka Halmashauri mbalimbali, Kaimu Katibu Wasaidizi wa Tume ya Utumishi wa Walimu kutoka Wilaya mbalimbali, maafisa kutoka Tume ya Utumishi wa Walimu Makao Makuu, TAMISEMI pamoja na Maafisa wa Mradi wa PS3.
Naibu Waziri wa Uchukuzi na Mawasiliano Mhandisi Atashasta Nditiye (kulia) akipata maelezo kuhusu Mkongo wa Taifa wa Mawasiliano kutoka kwa Mhandisi wa Usafirishaji Masafa wa TTCL, Marwa Chacha wakati wa ziara yake ya kukagua namna Mkongo huo unavyopeleka mawasiliano Burundi kwenye kituo cha Biharamulo, Kagera.
Naibu Waziri wa Uchukuzi na Mawasiliano Mhandisi Atashasta Nditiye (wa kwanza kulia) akipata maelezo kutoka kwa Afisa Mfawidhi wa Forodha wa Kituo cha Huduma cha Pamoja, Mtukula Bwana Mohammed Shamte (wa pili kulia) kuhusu namna Mkongo wa taifa wa Mawasiliano unavyowawezesha kusafirisha taarifa na data za wateja na bidhaa baina ya Tanzania na Uganda wakati wa ziara yake Mtukula, Kagera.

Naibu Waziri wa Uchukuzi na Mawasiliano Mhandisi Atashasta Nditiye (wa kwanza kushoto) akipata maelezo kuhusu alama inayoonyesha unakopita Mkongo wa Taifa wa Mawasiliano kwenye maeneo mbali mbali nchi nzima ili kulinda miundombinu huo wakati wa ziara yake ya kukagua Mkongo huo kwenye kituo cha Rusumo, Kagera. Wa kwanza kulia ni Mhandisi wa Usafishaji Masafa wa TTCL, Mwita Marwa.
Naibu Waziri wa Uchukuzi na Mawasiliano Mhandisi Atashasta Nditiye (wa kwanza kulia) akioneshwa ramani ya Tanzania na Mkurugenzi wa TEHAMA, Wizarani Bwana Mulembwa Munaku (wa kwanza kushoto) ya namna Mkongo wa Taifa wa Mawasiliano ulivyoenea na kupeleka mawasiliano nchi jirani za Rwanda, Burundi, Uganda na DRC Congo wakati wa ziara yake kwenye kituo cha Mkongo, Biharamulo, Kagera.
Naibu Waziri wa Uchukuzi na Mawasiliano (wa pili kushoto) Mhandisi Atashasta Nditiye akikagua tundu la Mkongo wa Taifa wa Mawasiliano kituo cha Rusumo linalopeleka mawasiliano kutoka Tanzania kwenda Rwanda. Mwenye koti nyeusi ni Mkurugenzi wa TEHAMA, Wizarani, Mulembwa Munaku na wa nne kushoto ni Mkuu wa Wilaya ya Ngara, Luteni Kanali, Michael Mntenjele.
---
Mkongo wa Taifa wa Mawasiliano umeongeza makusanyo ya mapato ya Serikali ya Jamhuri ya Muungano wa Tanzania kwenye maeneo ya mipakani mwa Tanzania na nchi jirani za Rwanda, Uganda, Burundi na DRC Congo.

Hayo yameelezwa na Naibu Waziri wa Uchukuzi na Mawasiliano Mhandisi Atashasta Nditiye wakati wa ziara yake ya kukagua Mkongo wa Taifa wa Mawasiliano kwenye kituo cha mpakani cha Mtukula ambacho kinawezesha usafirishaji wa taarifa na data za wateja na bidhaa kutoka Tanzania kwenda nchi jirani ya Uganda.

Nditiye amesema kuwa, “maeneo ya mipakani ndi lango la kuongeza mapato na kukuza uchumi wan chi yetu, niwatake muendelee na kasi hii ya ukusanyaji wa mapato ya Serikali kwa kutumia Kituo cha Pamoja cha Huduma ambapo tayari kwa kipindi cha miezi mitatu ya mwanzo wa mwaka wa fedha wa 2018/2019, mwezi Julai hadi Septemba, 2018 mapato yameongezeka zaidi ya asilimia 100 kwa mwezi na kufikia asilimia 150”.

Naye Afisa Mfawidhi wa Forodha wa Kituo cha Huduma cha Pamoja cha Mtukula, Bwana Mohammed Shamte amesema kuwa katika mwaka wa fedha wa 2018/2019, malengo yao ni kukusanya kiasi cha shilingi bilioni 15.9 kwa mwaka ambapo tayari imeonekana kiwango hicho kitafikiwa kwa kuwa tayari kwa mwezi wanakusanya shilingi bilioni 1.3 ambazo ni wastani wa asilimia 110 hadi 150 ya makusanyo kwa mwezi ambayo yanavuka malengo. “Baada ya Serikali kuweka Mkongo wa Taifa wa Mawasiliano, umeongeza spidi na uhakika wa kusafirisha taarifa na data tofauti na hapo awali tulipokuwa tunatumia satelaiti, hivyo Mkongo umewezesha ongezeko la mapato”, amesema Shamte.

Nditiye ameongeza kuwa Mkongo wa Taifa wa Mawasiliano umebadilisha sekta ya mawasiliano nchini na kwenye nchi za jirani zilizounganishwa na Mkongo huo za Uganda, Rwanda, Burundi, Kenya na DRC Congo ambapo wanafurahia huduma za mawasiliano. “Mkongo wa Taifa wa Mawasiliano lazima ulindwe, ni kama reli au barabara, na mawasiliano ni uchumi na maendeleo ambapo unaingiza mapato kwa Serikali yetu,” amesema Nditiye

Pia, amewataka wafanyakazi wa Shirika la Mawasiliano Tanzania (TTCL Corporation) waendelee kuutunza na kuendesha Mkongo wa Taifa wa Mawasiliano kwa kuwa ni watu sahihi, wana utaalamu na ujuzi wa kutosha kufanya kazi na Serikali imewaamini na kuwapa jukumu hilo kwa kuwa mawasiliano ni uchumi na ni usalama hivyo ukicheza na mawasiliano nchi inasambaratika.

Wakiwasilisha changamoto za mawasiliano kwa Nditiye, Kaimu Mkurugenzi wa Halmashauri ya Wilaya ya Misenyi Bi. Thabitha Solomoni amesema kuwa wakati mwingine mtandao unakwenda taratibu au kukosekana hivyo kuathiri usafirishaji wa taarifa na data za watumishi kwa Serikali wa malipo na masuala ya watumishi

Naye Meneja wa TTCL Mkoa wa Kagera Bi. Irene Shayo amejibu changamoto hio kwa kusema kuwa inategemea aina ya kifurushi ambacho Halmashauri husika imenunua na wanachotumia. Ametoa rai kwa Halamshauri kutumia wataalamu wao kufahamu uwezo wa mtandao wa intaneti wanaotumia ili uweze kuendana na mahitaji na ukubwa wa taarifa au data wanazotuma au kupokea, hivyo Ofisi za Serikali zizingatie ubora wa huduma kuendana na mahitaji yao na TTCL ina ofisi zake nchi nzima, wako tayari kuwahudumia.

Nditiye amepokea changamoto hiyo kuhusu spidi ya intaneti kwenye ofisi zao na amewataka wataalamu wa TEHAMA kupeleka mahitaji sahihi ya mtandao wa intaneti kwa Wakurugenzi wa Halmashauri zao na TTCL wako tayari kushauri ili mahitaji yanayotakiwa yaweze kutolewa na TTCL kuendana na mahitaji stahiki

Naye Mkurugenzi wa TEHAMA, Wizara ya Ujenzi, Uchukuzi na Mawasiliano Bwana Mulembwa Munaku amewataka maafisa TEHAMA wote kufungia mitandao ya kijamii muda wa saa za kazi ili mtandao wa intaneti uweze kutumika vizuri kwa matumiz ya Serikali

Mkuu wa Mkoa wa Kagera, Brigedia Jenerali Marco Gaguti amemweleza Nditiye kuwa bado hakuna mawasiliano ya kuridhisha kwenye maeneo mbali mbali ya mkoa huo licha ya kwamba makampuni yote ya mawasiliano yapo ila bado kuna changamoto ya upatikanaji wa mawasiliano ya uhakika kwenye mkoa huo

Akitoa ufafanuzi kuhusu changamoto hiyo, Nditiye amesema kuwa tayari Serikali imechukua hatua kuhusu jambo hilo kwa kuongeza minara ya mawasiliano kwenye maeneo ya mipakani ambapo mawasiliano ni hafifu kwa kuwaelekeza wataalamu wa Mfuko wa Mawasiliano kwa Wote kufika kwenye maeneo hayo, kufanya tathmini na kupeleka mawasiliano kwa kuwa hadi sasa watanzania wanapata mawasiliano kwa kiwango cha asilimia 94 isipokuwa maeneo machache. Pia ameipa TTCL mwezi mmoja kuhakikisha vocha na laini za TTCL zinapatikana nchi nzima ili kuwawezesha watanzania kuwasiliana kwa kuwa mawasiliano ni uchumi na ni usalama

Nditiye amefanya ziara hiyo ya kukagua miundombinu ya Mkongo wa Taifa wa Mawasiliano kwenye vituo vya mpakani vya Kabanga, Rusumo Mtukula na Biharamulo
Mjumbe wa halmashauri kuu ya chama cha mapinduzi taifa (MNEC) Theresia Mtewele akimkabidhi cheti cha kuhitimu darasa la saba mwanafunzi wa shule ya msingi Njia Panda
Mjumbewa halmashauri kuu ya chama cha mapinduzi taifa (MNEC) Theresia Mtewele akicheza kwa furaha na wahitimu wa darasa la saba kutoka shule ya msingi Njia Panda.
Mjumkbe wa halmashauri kuu ya chama cha mapinduzi taifa (MNEC) Theresia Mtewele akiwa kwenye picha ya pamoja na wanafunzi wahitimu wa darasa la saba wa shule ya msingi Njia panda.

NA FREDYE MGUNDA,IRINGA.

MJUMBE wa Halmashauri kuu ya chama cha mapinduzi taifa (MNEC) Theresia Mtewele amechangia mifuko hamsini ya saruji katika shule ya msingi Njia panda ambayo inakabiliwa na upungufu wa vyumba vya madarasa kumi na nane pamoja na matundu thelathini na saba ya vyoo na kusababisha kushuka kwa ufaulu wa wanafunzi wa shule hiyo.

Akizungumza wakati wa mahafali ya shule hiyo MNEC mtewele alisema kuwa hali ya miundombinu ya shule hiyo sio rafiki kwa wnafunzi kupata elimu bora kama ambavyo serikali ya awamu ya tano inakusudia

"Naiomba Serikali na wahisani mbalimbali kuisaidia shule ya msingi hii kwa kuboresha miundombinu ya shule hiyo ili kuwawekea mazingira bora ya kusoma wanafunzi ya kufanya vizuri kwenye mitihani yao"alisema Mtewele

Mtewele alisema kuwa kwa mazingira ambayo ameyaona ya miundombinu ya shule hiyo inahitajika nguvu ya ziada kuhakikisha wanatatua changamoto hizo ambazo zimekuwa kikwazo cha kufanya vizuri kwa wanafunzi wanaosoma katika shule hiyo

"Leo sijalidhishwa na hali hii japo nimekuja kumuwakilisha mjumbe wa Halmashauri kuu ya chama cha mapinduzi Salim Asas nitaenda kumueleza ukweli jinsi ambavyo shule hii inahitaji msaada mkubwa na wa haraka kwa kuokoa elimu ya wanafunzi Hawa" alisema Mtewele

Aidh MNEC Mtewele aliwaasa wahitimu na wanafunzi wanaoendelea wasikubali kurubuniwa na watu wasiowafahamu kw kuwa watawakatisha ndoto zao za baadaye zaidi wajikite katika masomo na kujiepusha na magonjwa ambukizi.

Dunia ya sasa inaharibiwa sana na watu ambai wanatumia vibaya mitandao ya kijamii hivyo ni lazima mjue jamii ambayo mnaishi nayo inamalengo gani na je inafaida katika maisha yako ya baadae ndio upate muelekeo na maamuzi sahihi kwa faida yako alisisitiza MNEC mtewele

Mtewele ameuahidi uongozi wa shule kufuatilia utekelezaji wa ahadi kwa wabunge wote wa Mkoa wa Iringa ambao walitoa ahadi zao katika shule hiyo miaka ya nyuma na ahadi hizo hazikutekelezwa mpaka sasa

Katika risala iliyosomwa na Mwalimu mkuu wa Federika Mahembepo shule hiyo alisema kuwa shule hiyo inakabiliwa na upungufu wa zaidi ya madarasa 18 na matundu ya vyoo 37 ili kukidhi mahitaji ya wanafunzi waliopo katika shule hiyo.

Lakini mealimu mkuu wa shule hiyo amewapongeza walimu na wazazi wa shule hiyo kwa kutambua kazi ngumu na nzito wanayofanya kuhakikisha watoto wa Kitanzania wanapata elimu inayosatahili kama ambavyo wanafunzi wengine wanapata Elimu bora na kuwaomba wazazi waendelee kuiunga mkono serikali ya Chama Cha Mapinduzi kwa sababu imedhamilia kushughulika na shida za watu.