Tuesday, February 21, 2017

RAIS MSTAAFU JAKAYA KIKWETE AKUTANA NA RAIS WA TUNISIA

Rais Mstaafu Dkt. Jakaya Kikwete katika mazungumzo na Rais wa Tunisia Mhe. Beji Essebsi
Rais Mstaafu Dkt. Jakaya Mrisho Kikwete akipokelewa na Rais Beji Essebsi katika Ikulu ya Tunisia
Rais Mstaafu Dkt. Jakaya Mrisho Kikwete katika picha ya pamoja na Rais Essebsi wa Tunisia mara baada ya kumkabidhi Ripoti ya Kamisheni ya Kimataifa ya Elimu
---
Rais Mstaafu na Mjumbe Maalum wa Kamisheni ya Kimataifa ya Elimu, Dkt. Jakaya Mrisho Kikwete amefanya ziara nchini Tunisia na kukutana na Rais wa Tunisia Mhe. Beji Caid Essebsi tarehe 17 Februari, 2017. Ziara hiyo ambayo ni muendelezo wa Kamisheni ya Kimataifa ya Elimu ya kuwafikia viongozi wa nchi 14 za Afrika za kipaumbele katika kutekeleza mapendekezo ya Ripoti ya Kizazi cha Elimu (The Learning Generation).

Katika mazungumzo yao, Rais Mstaafu Dkt. Jakaya Mrisho Kikwete amewasilisha kwa Rais Essebsi mapemdekezo ya ripoti ya Kamisheni ya Kimataifa ya Elimu na kuiomba Tunisia kujiunga katika mpango wa nchi za mstari wa mbele (pioneer countries) katika kufanikisha Kizazi cha Elimu ifikapo mwaka 2040. Mazungumzo hayo yalihudhuriwa pia na Waziri wa Elimu wa Tunisia Mhe. Neji Jalloul.

Kwa upande wake, Rais Essebsi wa Tunisia amemuhakikishia Rais Mstaafu Dkt. Jakaya Mrisho Kikwete uthabiti wa azma ya nchi yake kufanya mageuzi makubwa katika sekta ya elimu. Ameelezea utayari wa nchi yake kujiunga na mpango huo wa kufanikisha mapinduzi ya sekta ya elimu ndani ya kizazi kimoja ifikapo mwaka 2040.

Mbali na mkutano wake na Rais wa Tunisia, awali, Rais Mstaafu alikutana na kuwa na Mkutano na Waziri wa Elimu wa Tunisia na kutembelea Kituo cha Uendelezaji Teknolojia katika Elimu kilichoko Tunis na baadae kuzungumza na wanahabari kuhusu kazi za Kamisheni na Ripoti yake.

Kwa taarifa zaidi:

MAPAMBANO DHIDI YA DAWA ZA KULEVYA YASHIKA KASI MKOANI MOROGORO, WATU 66 WASHIKILIWA

 
Kamanda wa Polisi wa mkoa wa Morogoro, Ulrich Matei, akionesha kifurushi kilichohifadhi dawa za kulevya aina ya heroine iliyokamatwa wakati wa oparesheni ya mapambano dhidi ya dawa za kulevya iliyofanyika kuanzia Februari 18, mwaka huu sambamba na ukamataji wa viroba 39 vya bangi pamoja na mirungi kama alivyokuwa akiwaonesha waandishi wa habari Februari 20, mwaka huu kwenye uwanja wa Jengo la Polisi la mkoa huo.
Kamanda wa Polisi wa mkoa wa Morogoro, Ulrich Matei, akionesha kifurushi kilichohifadhi dawa za kulevya aina ya heroine iliyokamatwa wakati wa oparesheni ya mapambano dhidi ya dawa za kulevya iliyofanyika kuanzia Februari 18, mwaka huu sambamba na ukamataji wa viroba 39 vya bangi pamoja na mirungi kama alivyokuwa akiwaonesha waandishi wa habari Februari 20, mwaka huu kwenye uwanja wa Jengo la Polisi la mkoa huo.
Kamanda wa Polisi wa mkoa wa Morogoro, Ulrich Matei, akitoa taarifa ya operesheni ya mapambano dhidi ya dawa za kulevya kwa waandishi wa habari , Februari 20, mwaka huu ofisini kwake .
Gari aina ya Totota Noah yenye namba za usajili T. 799 BUG ikiwa imeshikiliwa na Polisi baada ya kukmatwa ikisafirish bangi viroba 21 kutoka katika kijiji cha Lubungo, Kata na Tarafa ya Mikese, wilaya ya Morogoro kwenda Jijini Dar es Salaam.( Picha na John Nditi).
Na John Nditi, Morogoro.

JESHI la Polisi mkoani Morogoro limewatia mbaroni watu 66 kwa tuhuma za makosa ya kupatikiana na dawa za kulevya aina za heroine, mirungi na bangi viroba 39.

Watuhumiwa hao walikamatwa wakati wa operesheni maalumu dhidi ya mapambano ya dawa za kulevya iliyofanyika kuanzia Februari 19, mwaka huu kutoka wilaya za mkoa wa Morogoro.

Kamanda wa Polisi wa mkoa wa Morogoro, Ulrich Matei, alisema hayo Feb 20, mwaka huu ofisini mwake wakati akizungumza na waandishi wa habari juu ya mafanikio ya operesheni inayoendelea kufanyika kuhusu mapambano dhidi ya dawa za kulevya kwenye wilaya za mkoa huo.

Matei alisema , watuhumiwa hao wanaendelea kuhojiwa na watafikishwa mahakamani kujibu tuhuma zinazowakabili

MAGAZETINI LEO FEBRUARI 21, 2017; MBOWE MIKONONI MWA POLISI ... WAKONDA, SIRO WAITWA KORTINI

CHAMA CHA WANAWAKE TAWLA CHAKUTANA NA MADIWANI WA WILAYA TATU ZA JIJI LA DAR ES SALAAM

Mkurugenzi Mtendaji wa TAWLA, Tike Mwambipile akizungumza na Waganga Wakuu wa Wilaya, Maafisa Maendeleo wa Jamii, Wanasheria, Madiwani na Maafisa Mipango wa Halmashauri/Wilaya kutoka Wilaya tatu za Mkoa wa Dar Es Salaam Kinondoni Ilala na Temeke pamoja na Waandishi wa habari waliopata fursa ya kushiriki wakati akifungua semina ya kupata mrejesho wa maazimio kuhusu rasilimali zinazoboresha haki ya afya ya uzazi kwa upande wa mamlaka za Halmashauri ya jiji la Dar Es Salaam; na pia Kupata mrejesho juu ya utekelezwaji wa maazimio yaliyowekwa na kila Halmashauri/Wilaya kufuatia semina shirikishi iliyofanyika mwaka 2016 Mkoani hapa.Semina hiyo imefanyika kwenye hoteli ya New Africa jijini Dar es salaam leo.
Nancy Richard Mkuu wa Idara ya Huduma za Msaada wa Kisheria TAWLA akizungumza jambo wakati wa semina hiyo iliyofanyika kwenye hoteli ya New Africa jijini Dar es salaam anayefuatia kwenye picha ni Mkurugenzi Mtendaji wa TAWLA, Tike Mwambipile pamoja na washiriki wengine wa semina hiyo.
Nancy Richard Mkuu wa Idara ya Huduma za Msaada wa Kisheria TAWLA akifafanua jambo wakati wa semina hiyo kushoto ni Mkurugenzi Mtendaji wa TAWLA, Tike Mwambipile.
Mwanaharakati na Mtetezi wa Haki za wanawake na wanaume Mary Lusimbi ambaye ndiye alikuwa mwezeshaji wa semina hiyo akitoa mada kwa washiriki wakati semina hiyo ilipokuwa ikiendelea.
Bi. Halili Katani Afisa Ustawi wa Jamii Manispaa ya Kinondoni akichangia hoja wakati wa semina hiyo kulia ni Balima Omari Afisa Maendeleo ya Jamii Manipaa ya Kinondoni na katikati ni Tausi Kheri Mwanasheria wa Manispaa ya Kinondoni
Baadhi ya washiriki waki wakiwa katika semina hiyo iliyofanyika kwenye hoteli ya New Africa jijini Dar es salaam leo.
Tausi Kheri Mwanasheria wa Manispaa ya Kinondoni akichangia hoja wakati wa semina hiyo kutoka kulia ni Kheri Missinga Diwani Kata ya Bunju, Balima Omari Afisa Maendeleo ya Jamii Manipaa ya Kinondoni na Kushoto ni Bi. Halili Katani Afisa Ustawi wa Jamii Manispaa ya Kinondoni
Mkurugenzi Mtendaji wa TAWLA, Tike Mwambipile akifafanua mambo mbalimbali kwa waandishi wa habari mara baada ya kufungua semina hiyo kwenye hoteli ya New Africa jijini Dar es salaam.

Monday, February 20, 2017

MSANII SHAMSA FORD AFUNGUKA JUU YA PENZI LA MUME WAKE RASHIDI

PUMZIKA KWA AMANI JENIFER LIVIGHA (CHINGA ONE BLOGGER)

Jenifer Luvigha alipatwa na homa ya ini ambayo,alipata vipimo na alitarajia angepokea majibu baada ya uchunguzi kukamilika.

Lakini kwa bahati mbaya umauti umemkuta huko nyumbani kwake anakoishi Kinyerezi Dar es Salaam.

Mwili wa marehemu unapelekwa AMANA hospital na utaratibu wa mazishi unafanyika.

Taarifa za awali zinasema marehemu anatarajiwa kwenda kuzikwa nyumbani kwao RUPONDA NACHINGWEA.

PAPA FRANCISKO KUTEMBELEA KANISA ANGLIKANI ROMA, 26 FEBRUARI 2017

Dr. Greg Burke, Msemaji mkuu wa Vatican amethibitisha kwamba, Jumapili tarehe 26 Februari 2017, Saa 10: 00 majira ya jioni kwa saa za Ulaya, Baba Mtakatifu Francisko atatembelea na hatimaye kusali kwenye Kanisa la Kianglikani la Watakatifu wote lililoko mjini Roma. Hizi ni juhudi za Baba Mtakatifu Francisko katika kudumisha mchakato wa majadiliano ya kiekumene yanayosimiwa katika: Damu ya mashuhuda na waungama dini ya Kikristo; Uekumene wa sala unaofumbatwa katika tafakari ya Neno la Mungu linalomwilishwa katika uhalisia wa maisha ya watu ili kujenga umoja na udugu katika Kristo Yesu; Uekumene wa maisha ya kiroho unaojikita katika kuthaminiana; na hatime, Uekumene wa huduma kwa maskini na wale wote wanaosukumizwa pembezoni mwa jamii, ili kuwaonjesha huruma na upendo wa Mungu katika maisha yao! Hawa ni wakimbizi na wahamiaji, maskini wa hali na kipato!

Baba Mtakatifu Francisko akiwa Kanisani hapo atasali pamoja na wenyeji wake Masifu ya Jioni pamoja na kurudia tena ahadi za Ubatizo; watapeana amani na hatimaye, kusali pamoja sala ya Baba Yetu, muhtasari wa Mafundisho Makuu ya Yesu. Hii italiwa ni fursa kwa Makanisa ya Watakatifu Wote ya Kanisa Katoliki na Watakatifu wote wa Kanisa Anglikani kushirikiana kama ndugu. Baadaye, Baba Mtakatifu atapata pia nafasi ya kubadilisha mawazo na wenyeji wake pamoja na kubadilishana zawadi!

Na Padre Richard A. Mjigwa, C.PP.S.
Idhaa ya Kiswahili ya Radio Vatican.

USAJILI WA TIGO KILI HALF MARATHON WAENDELEA JIJINI DAR ES SALAAM


Mkazi wa jiji la Dar es Salaam, Edger Damian akijisajili kwa njia ya Tigopesa kwa ajili ya mashindano ya Kili Marathon yatakayofanyika Kilimanjaro hivi karibuni. Usajili huo ulifanyika mwishoni mwa wiki.

Msajili wa Kili marathon wa Tigo, Neema Misaji akimpa maelekezo ya kulipa kwa njia ya tigo pesa, mkazi wa Dar es Salaam, Iyan Balegele aliyekuwa akilipia kupitia huduma hiyo mwishoni mwa wiki.

Wananchi mbalimbali wakijisajiri ili kupata tiketi za Kilimarathon kwenye banda la Tigo katika viwanja vya Mlimani city mwishoni mwa wiki.

Wakazi wa Dar es Salaam, Eden Mbunde na Sheila Kombe wakimsubiri Msajili wa Tigo, Viola Mboya aliyekuwa akimalizia usajili wao kabla ya kuwakabidhi tiketi zao mwishoni mwa wiki.

WANANCHI WA NZEGA MJINI WAZIDI KUNUFAIKA NA FEDHA ZA PROGRAMU YA WANANZENGO AIRTEL FURSA

Afisa Mikopo wa Nzega Urban Trust Fund, Bi. Elizabeth Mushi akiwa anatoa mafunzo ya mwisho kwa wajasiriamali na wafanyabiashara waliofanikiwa kunufaika na Programu wa WanaNzengo Airtel Fursa kwa awamu ya pii mara baada ya kupewa mikopo ya bei nafuu itakayowawezesha kukuza biashara zao. Mikopo hiyo inadhaminiwa na kampuni ya simu za mkononi ya Airtel na kusimamiwa na Nzega Urban Trust Fund.
Wajasiriamali wa Nzega Mjini wakiwa wanaendelea kupokea mafunzo na maelekezo kutoka kwa Meneja wa Airtel Nzega, Bw. Abraham Mvella kuhusiana na namna sahihi ambayo watanufaika na fedha hizi kupitia Programu hii ya WanaNzengo Airtel FURSA na namna ambavyo watakuwa wanarejesha marejesho ya mikopo ambayo wamechukua kutoka Airtel Tanzania
Wanufaika wa Programu ya WanaNzengo Airtel Fursa awamu ya pili katika Picha ya Pamoja mara baada ya kumaliza mafunzo ya ujasiriamali na kupokea fedha kwa njia ya Airtel Money
---
Baada ya mafanikio makubwa ya Programu ya WanaNzengo Airtel FURSA uliozinduliwa Oktoba mwaka jana, na jumla ya shilingi milioni 20 kutolewa kama mikopo isiyokuwa na masharti magumu kwa vikundi 20 vya wajasiriliamali takribani 100 wa mji wa Nzega, tayari vikundi vingine 10 vyenye jumla ya watu 50 vimenufaika na fedha kiasi cha shilingi million 10 ambazo zimetolewa katika awamu ya pili.

Akizungumzia mafanikio hayo mbunge wa jimbo la Nzega Mjini Mhe. Hussein Bashe alisema “Tangu tuzindue program hii miezi miwili iliyopita tayari program hii imeendelea kuwa kivutio kikubwa cha uwezeshaji miongoni mwa wananchi wa kada mbalimbali ndani ya jimbo la Nzega mjini. Program hii imekuwa kuvutio kwa wafanyabiashara, wajasiriamali pamoja an wafanyakazi mbalimbali. Tunapongeza kwa dhati jitihada za pamoja baina ya Airtel Tanzania na Nzega Urban Trust Fund ambayo ni taasisi niliyoanzisha ili kuinua hali ya maisha ya wananchi wenzangu hapa Nzega Mjini.”

Naye Mkurugenzi Mtendaji wa Nzega Urban Trust Fund, Bw. Felician Andrew alisema kuwa “Tunaishukuru sana Airtel Tanzania kupitia mpango wao wa Airtel FURSA kwani umeweza kuwafikia hadi watu wa kada ya chini kabisa hapa Nzega, mara ya kwanza wakati tunaanza programu hii tulitoa milioni 20 na sasa fedha zote zimeanza kurejeshwa na tumekusanya milioni 10 kwa njia ya Airte Money fedha ambazo ndizo tumezitumia tena kuzirudisha kwa wanafaika wapya kabisa kwa kutumia mfumo ule ule wa Airtel Money”

Naye Bi. Debora Mhamba mmoja wa wanufaika kutoka kikundi cha Ebenezer alisema kuwa “mpango wetu ni kuwa kikundi chenye uwezo mkubwa wa kusimamia fedha zake na kupanua biashara zetu katika maeneo mengi zaidi nje ya Nzega, hivyo tutatumia vyema fedha hizi ili kufikia malengo yetu na kurudisha kwa wakati ili vikundi vingine viweze kunufaika na fedha hizi”

Kwa upande wake Meneja huduma za kijamii, Hawa Bayumi alisema tunafurahi kuona mradi unaendelea vyema na vikundi vingi vinaendelea kufikiwa zaidi, lengo letu ni kufika wasiriamali wengi zaidi ifikapo mwisho wa mwaka. Natoa wito kwa wakazi wa Nzega mjini kuendelee kuitumia fursa hii vyema ili kuimarisha mitaji na biashara zetu na hivyo kuleta chachu katika maendeleo ya jamii zetu na nchi kwa ujumla”

Makabidhiano haya ya fedha hizi yalifanyika katika Ofisi ya Nzega Urban Trust Fund hapaNzega Mjini na kushuhudiwa na kuhudhuriwa na Meneja wa Airtel Mji wa Nzega, Bw. Abraham Mvella pamoja na maofisa mbalimbali wa Ofisi ya Mbunge.

Zoezi hili la utoaji wa pesa lilifanyika baada ya kumaliza uhakiki wa vikundi zaidi ya 100 vilivyotuma maombi na kufanyiwa uhakiki na tathimini ya biashara zao ambapo vikundi kumi vikaibuka kidedea kuwa na sifa zaidi ya vikundi vingine kuweza kunufaika na fedha za Programu hii.

Utoaji wa fedha za mikopo kwa awamu ya pili uliambatana na mafunzo ya jinsi ya kufanya marejesho ya fedha.

MAGAZETINI LEO FEBRUARI 20, 2017; MWANASHERIA CHADEMA: MBOWE HATAKWENDA POLISI ... MTANDAO WA DAWA ZA KULEVYA WAIBUA HOFU

Sunday, February 19, 2017

MEYA WA JIJI LA DAR ES SALAAM AOMBA BUSARA ZA MASHEHE NA WAZEE KATIKA KULIONGOZA JIJI HILO

Mstahiki Meya wa Jiji la Dar es Salaam,Isaya Mwita,akisalimiana na Mwenyeji wake,Daluwesh Dume (katikati) kwenye hafla ya sherehe ya Maulid ya Mtume S.A.W iliyofanyika Mtaa wa Da Estate eneo la Kinondoni jijini Dar es Salaam jana.
Meya wa Jiji la Dar es Salaam,Isaya Mwita akiwa na Diwani wa Kata ya Kinondoni,Mustapha Muro wakifuatilia kwa umakini sherehe hizo.
Watoto nao hawakuwa nyuma katika shughuli hiyo.
Mawaidha yakiendelea kwenye sherehe hiyo ya kuzaliwa kwa Mtume Mohamed S.A.W
Imamu Mkuu wa Msikiti wa Kinondoni Mkwajuni,Almasi Saidi,akitoa mawaidha katika sherehe hizo za kumbukumbu ya kuzaliwa kwa Mtume Mohamad S.A.W katika Mtaa wa Ada Estate wilayani Kinondoni jijini Dar es Salaam leo. (PICHA ZOTE NA ELISA SHUNDA)
Imamu Mkuu wa Msikiti wa Kinondoni Mkwajuni,Almasi Saidi,Meya wa Jiji la Dar es Salaam,Isaya Mwita (katikati) na Diwani wa Kata ya Kinondoni,Mustapha Muro wakifuatilia kwa makini sherehe hizo.
Diwani wa Kata ya Kinondoni,Mustapha Muro,akizungumza katika maulid hiyo ya sherehe ya kuzaliwa kwa Mtume Mohamad S.A.W.Kushoto ni Meya wa Jiji la Dar es Salaam,Isaya Mwita.
Mstahiki Meya wa Jiji la Dar es Salaam,Isaya Mwita,akizungumza katika hafla ya ufunguzi wa sherehe ya Maulid ya Mtume Mohamed S.A.W iliyoandaliwa na Muumini wa Dini hiyo Daluwesh Dume iliyofanyika Mtaa wa Ada Estate eneo la Kinondoni jijini Dar es Salaam leo. Katikati ni Diwani wa Kata ya Kinondoni,Mustapha Muro.
Wananchiwaliohudhuria katika sherehe hizo za kumbukumbu ya kuzaliwa kwa Mtume Mohamad S.A.W
Mstahiki Meya wa Jiji la Dar es Salaam,Isaya Mwita,akizungumza katika hafla ya ufunguzi wa sherehe ya Maulid ya Mtume Mohamed S.A.W iliyoandaliwa na Muumini wa Dini hiyo Daluwesh Dume iliyofanyika Mtaa wa Ada Estate eneo la Kinondoni jijini Dar es Salaam leo. Katikati ni Diwani wa Kata ya Kinondoni,Mustapha Muro.
Mstahiki Meya wa Jiji la Dar es Salaam,Isaya Mwita,akizungumza katika hafla ya ufunguzi wa sherehe ya Maulid ya Mtume Mohamed S.A.W iliyoandaliwa na Muumini wa Dini hiyo Daluwesh Dume iliyofanyika Mtaa wa Ada Estate eneo la Kinondoni jijini Dar es Salaam leo. Katikati ni Diwani wa Kata ya Kinondoni,Mustapha Muro na Muandaaji wa kumbukizi hiyo,Daluwesh Dume.
Kikundi cha Al Farouq kikipiga dufu wakati wa sherehe ya Maulid ya Mtume Mohamed S.A.W iliyoandaliwa na Muumini wa Dini hiyo Daluwesh Dume iliyofanyika Mtaa wa Da Estate eneo la Kinondoni jijini Dar es Salaam leo.
NA ELISA SHUNDA,DAR

MEYA wa jiji la Dar es Salaam, Isaya Mwia amewaomba Mashehe na Wazee wa jiji kumuunga mkono katka shughuli anazofanya ili kuweza kutatua changamoto zilizopo katika jiji hili.

Meya Isaya ametoa kauli hiyo jiji hapa leo wakati wa maulidi ya kusherehekea kuzaliwa kwa Mtume wao Muhammad Swalla Allaahu 'alayhi wa aalihi wa sallam ambapo pamoja na mambo mengine amesema kwama jiji la Dar es Salaam bila dua za waze, mashehe na viongozi wote wadini huwezi kuliongoza kutokana na changamoto zilizopo.

“Najua changamoto zilizopo kenye jiji hili ni nyingi wazee wangu naomba mnisaidie sana, peke yangu siwezi, dua zenu na ushauri wenu ndio unaweza kunisaidia mimi kufanya mambo mazuri” na wananchi wakaishi kwenye mazingira wanayopenda” amesema Meya Isaya.

Leo hi mimi nikiwa na kiburi kweu kwa ajili ya madaraka haya ambayo nyie ndio mlionipa, sitaweza kutatua changamoto hata moja,zipo changamoto za kimiundombinu ya elimu, na nyingine, ambazo zote zinahitaji kupatiwa ufumbuzi, nawaombeni saa waze wangu mnipe baraka zenu” aliongeza.

Akizungumzia suala la maadili Meya Isaya amesema wazazi hawana budi kuwasaidia walimu, serikali na viongozi kwa ajili ya malezi bora hususani wakiwa shuleni.

Amesema ni jambo la ajabu na mtihani mkubwa kwa walimu ikiwa mzazi atakuwa mstari wa mbele kumnunulia mwanae simu hali yakuwa yupo masomoni jambo ambalo linafanya ashindwe kuzingatia masomo na badala yake kushinda kwenye mitanda ya kijami.

“Leo hi mzazi unapomnunulia mwanao simu wakat unajua kabisa anasoma, huu simtihani jamani, leo hii mzazi unaposhindwa kufuatilia maendeleo ya mtoto wako shuleni huu simtihani jamani, nawaombeni sana tusaidiane kulea watoto wetu” ameongeza Meya Isaya.

Aidha Meya Isaya amewataka vijana kuacha tabia a kukaa vijiweni badala yake wajikite kwenye kufanya kazi, huku akiwaaka wazazi kutokufumbia maco vijana wao aba hatawai kujishuguisha.

Amesema vijana waliowengi hawataki kujishugulisha na badala yake husubiri kila abacho wazazi wa hutafuta jamo abalo humjengea kijana mazingira ya watto kuanza kugawaa mali kaba ya wazazi hawaja toweka duniai.

“Wazazi msiwavumilie vijana wenu ambao wanasubiri nyie muende mkatafute wao waje wale, leo hii nyumbani unakuta baba, au Mama anapishana na kijana wake ambaye angekuwa anajitegemea mwenyewe, lakini kuendelea kuishi nao nyumbani mnataka kuwaongezea umasikini” amesema Meya Isaya.

Matokeo yake, unakuta kijana anasema Baba unakufa lini, am wanaanza kugawana mali ambazo mmetafuta nyinyi, kabla hata bado hamjatoweka duniani, jambo hili jamani sio mtihani ndugu zangu?, lazima tuwalee watoo wetu kwenye misingi ya kuwaeleza kwama dawa ya kupambana na umasikini kufanya kazi” amesisitiza.

Hata hivyo Meya Isaya amewaomba wananchi wa jiji la Dar es Salaam kutunza mazingira ili kuepukana na magonjwa ya mlipuko ikiwemo kipindupindu.

Truck Driving Schools
Idadi ya Watu