Monday, February 1, 2016

MAJALIWA AHUDHURIA IBADA YA KUMUINGIZA KAZINI MKUU WA KKKT TANZANIA ASKOFU SHOO MJINI MOSHI

 Waziri Mkuu, Kassim Majaliwa akipokea picha aliyopewa na Askofu Mkuu Mpya wa Kanisa la Kiinjili la Kilutheli,Askofu Frederck Shoo katika ibada ya kumuingiza kazini askofu huyo ilyofanyika kwenye kanisa kuu la KKKT mjini Moshi Januari 31, 2016.
 Baadhi ya waalikwa walioshiriki katika ibada ya kumuingiza kazini Mkuu wa Kanisa la Kiinjili la Kilutheli Tanzania (KKKT), Askofu Frederick Shoo iliyofanyika kwenye kanisa kuu la KKKT mjini Moshi Januari 31, 2016. 
 Waziri Mkuu, Kassim Majaliwa akizunguza katika ibada ya kumuingiza kazini Mkuu wa Kanisa la Kiinjili la Kilutheri Tanzania (KKKT), Askofu Frederick Shoo iliyofanyika kwenye kanisa Kuu la KKKT mjini Moshi Januari 31, 2016.
 Waziri Mkuu Kassim Majaliwa akisalimiana na Waziri Mkuu Mstaafu Edward Lowassa katika ibada ya kumuingiza kazini Mkuu wa Kanisa la Kiinjili la Kilutheri Tanzania, Askofu Frederick Shoo kwenye kanisa Kuu la KKKT mjini Moshi Januari 31, 2016.
 Waziri Mkuu, Kassim Majaliwa akizungumza na Askofu Mkuu wa Kanisa la Kiinjili la Kilutheri Tanzania (KKKT), Askofu Frederick Shoo (kulia) na Askofu Mkuu wa KKKT Mstaafu Alex Malasusa baada ya ibada ya kumuingiza kazini Askofu Shoo iliyofanyika kwenye Kanisa Kuu la KKKT mjini Moshi Januari 31, 2016.
Mkuu mstaafu wa Kanisa la Kiinjili la Kilutheri Tanzania (KKKT) Dkt Alex Malasusa akizungumza wakati wa ibada ya kumuingiza kazini mkuu mpya wa KKKT,Dkt Fredrick Shoo,ibada iliyofanyika kanisa la KKKT usharika wa Moshi mjini.
Mawaziri wakuu wastaafu,Edward Lowasa na Frederick Sumaye wakiwa katika ibada hiyo.
Waziri mkuu Mstaafu Frederick Sumaye akiwa katika ibada hiyo .
Kiongozi wa kambi rasmi ya Upinzania Bungeni na Mbunge wa jimbo la Hai,Freeman Mbowe akiwa na mkewe katika ibada hiyo.
Mbunge wa zamani wa jimbo la Siha,Aggrey Mwanry pia alikuwa ni miongoni mwa wageni waliohudhuria hafla hiyo.
Katibu Mkuu wa LWF ,Mchungaji Martin Junge akitoa mahubiri wakati wa ibada ya kuingizwa kazini kwa mkuu mpya wa kanisa la Kiinjili la Kilutheri Tanzania ,KKKT ,Dkt Fredrick Shoo.
Waimbaji kutoka maeneo mbalimbali pia walitoa mahubiri kwa njia ya nyimbo wakati wa ibada hiyo.
Baadhi ya waumini waliohudhulia ibada hiyo.
Waziri mkuu wa Jamhuri ya Muungano wa Tanzania,Kssim Majaliwa akiwa na Mkuu wa mkoa wa Kilimanjaro,Amosi Makala wakifuatilia ibada hiyo.
Kutokana na ufinyu wa nafasi katika kanisa hilo ,waumini wengine walitengewa eneo la nje kufuatilia ibada hiyo.
Ibada ya kumsimika na kumuingiza kazini ,Mkuu Mpya wa KKKT ,Dkt Fredrick Shoo ikifanyika .
Mkuu mstaafu wa KKKT,Dkt Alex Malasusa akimpongeza Mkuu Mpya wa KKKT,Dkt Fredrick Shoo mara baada ya kuingizwa kazini katika ibada maalumu iliyofanyyika katika kanisa la KKKT Usharika wa Moshi mjini.
Mbunge wa jimbo la Vunjo ,James Mbatia pia likuwa ni miongoni mwa wageni waliohudhuria ibada hiyo.
Mbunge wa jimbo la Moshi mjini,Jafary Michael akiwa na Mbunge wa jimbo la Arumeru Mashariki Joshua Nassar akiwa na mkewe Anande katika ibada hiyo.
Mwenyekiti wa Makampuni ya IPPP,Dkt Reginald Mengi akiwa na mkewe Jackline katika ibadda hiyo.
Mkuu mpya wa kanisa la Kiinjili la Kilutheri Tanzania,KKKT ,Dkt Fredrick Shoo akizungumza mara baada ya kuingizwa kazini .
Askofu wa Jimbo la Moshi ,Mhashamu Baba Askofu Isack Amani Massawe akitoa salamu kwa niaba ya kanisa Katoliki katika ibada hiyo.
Waziri mkuu wa JAmhuri ya Muungano wa TAnzania ,Kassim Majaliwa akizungumza kwakati wa ibada hiyo ,akimwakilisha Rais wa Jamhuri ya Muungano wa Tanzania,John Pombe Magufuli.
Mkuu mpya wa KKKT,Dkt Shoo akihitimisha ibada hiyo.
Waziri mkuu Kassim Majaliwa akisalimiana na Waziri mkuu Mstaafu,Edward Lowasa walipokutana katika ibada hiyo.
Mgeni rasmi katika ibada hiyo,Waziri mkuu wa Jamhuri ya Muungano wa Tanzania ,Kassim Majaliwa akiwa katika picha ya pamoja na maaskofu wa KKKT.
Mkuu Mpya wa KKKT ,Dkt Shoo akipeana mkono na mkuu wa mkoa wa Kilimanjaro,Amosi Makala.
Baadhi ya waumini wakitoka katika kanisa hilo mara baada ya kukamilika kwa ibada ya kumuingiza kazini Mkuu mpya wa KKKT,Dkt Fredrick Shoo.

Picha na
PICHA NA OFISI YA WAZIRI MKUU na Dixon Busagaga wa Globu ya Jamii Kanda ya Kaskazini.

WAZIRI MKUU Kassim Majaliwa amesema suala la ada elekezi linaendelea kufanyiwa kazi na Serikali na likifika hatua nzuri litahusisha wadau wote ili kupata maoni yao.

Ametoa ahadi hiyo leo mchana (Jumapili, Januari 31, 2016) wakati akizungumza na mamia ya waumini walioshiriki ibada ya kumuingiza kazini Mkuu Mpya wa Kanisa la Kiinjili la Kilutheri Tanzania (KKKT), Askofu Dk. Fredrick Onaeli Shoo iliyofanyika kwenye usharika wa Moshi Mjini, Dayosisi ya Kaskazini.

Waziri Mkuu Majaliwa ambaye alihudhuria ibada hiyo kwa niaba ya Rais Dk. John Pombe Magufuli alikuwa akijibu baadhi ya hoja zilizotolewa na Dk. Shoo ambaye alisema kama Serikali inataka kuondoa ada elekezi haina budi kuziimarisha shule zake ili ziwe kama zilivyokuwa zamani.

Akijibu hoja kuhusu miundombinu ya reli, Waziri Mkuu alisema Serikali imeamua kufufua miundombinu hiyo na kwamba hivi sasa inafanya mapitio ili kujua gharama halisi kwa maeneo husika. Alisema Serikali imepanga kuanza na maeneo manne ambapo la kwanza alilitaja kuwa ni reli ya kutoka Dar es Salaam – Mwanza – Tabora – Kaliua – Mpanda hadi Karema.

“Eneo la pili ni reli ya ukanda wa Kaskazini ambayo itatoka Dar es Salaam – Tanga – Arusha hadi Musoma. Ya tatu ni ya kutoka Tabora – Kahama – Kigali (Rwanda) na kuishia nchini Burundi ambayo tunataka isaidie kusafirisha mizigo kutoka bandari ya Dar es Salaam. Reli ya nne ni ile ya kutoka Mtwara kupitia Tunduru kwenda Songea hadi Mbamba Bay,” alisema.

Kuhusu ulinzi wa demokrasia ndani ya Bunge, Waziri Mkuu alisema anakubaliana na Askofu Dk. Shoo juu ya mihimili yote mitatu kuheshimiana na kwamba ameshukuru kwamba ameonya juu ya lugha zinazotumika ndani ya Bunge.

“Bunge ni eneo linaloweza kujenga jamii mpya kwa sababu Bunge ni kioo na jamii ya Watanzania inatuangalia sisi tuliomo mle. Ni vema tuwe na lugha nzuri, tabia njema na hata jinsi tunavyovaa ili wanaotuona wapate hamu ya kuiga,” alisema.

Kuhusu ombi la kuibuliwa upya mchakato wa Katiba mpya, Waziri Mkuu alisema suala hilo amelichukua na anaenda kulifanyia kazi. “Nakuhakikishia Baba Askofu ushauri ulioutoa kwa Serikali tumeupokea,” alisisitiza.

Mapema, akitoa hotuba yake, Askofu Mkuu Dk. Shoo alisema Bunge ni nyumba ya demokrasia kwa hiyo jamii inatarajia kuona hoja zikijadiliwa kwa haki na amani badala kutumia ubabe na mabavu au nguvu ya dola.

“Nimewaona baadhi ya wabunge mko hapa… hili ninalolisema ni lenu na linawahusu ninyi na spika wenu. Wabunge tunzeni heshima yenu na Mungu awasaidie kulitimiza hilo. Wewe Waziri Mkuu ni Msimamizi wa shughuli za Serikali bungeni kwa hiyo una kazi ya kusimamia. Kila mhimili unapaswa utunze heshima yake…,” alisisitiza.

Kuhusu Katiba mpya, Askofu Dk. Shoo alisema Watanzania wengi wana kiu ya kuona mchakato huo ukiibuliwa upya na kukamilishwa ili nchi ipate Katiba mpya yenye kukidhi kiu ya watu wake na inayoheshimu matakwa ya wengi.

“Mchakato huo ukianza utumike kuganga majeraha yote yaliyopita. Tukifanya hivyo tutakuwa tumeisaidia Serikali ya Awamu ya Tano kuipelekea nchi yetu kule ambako imedhamiria. Yote yanawezekana tukitaka na tukipenda,” alisisitiza.

Kwa upande wake, Askofu ambaye amemaliza muda wake wa kuliongoza kanisa hilo, Dk. Alex Malasusa alisema anamshukuru Mungu kwa kupata kibali cha kushuhudia Mkuu mpya wa kanisa hilo akipokea kijiti cha uongozi kutoka kwake.

“Si kwa akili na uwezo wangu bali ni kwa uweza wa Mungu kwamba nimeweza kuishuhudia siku ya leo. Ninamuomba Mungu akusaidie kuongoza kanisa hili, akusaidie kukemea na kuonya kwa upole. Najua Mungu atakupunguzia hata marafiki kwa sababu ya matamshi utakayokuwa ukiyatoa, lakini si wewe bali ni uweza wa Bwana na roho mtakatifu anayekuongoza,” alisema.

Aliahidi kuendelea kuwaombea Rais Magufuli pamoja na Waziri Mkuu Majaliwa katika majukumu waliyonayo. “Msiogope kwa ajili ya majukumu mliyopewa, msihofu tunaendelea kuwaombea kwa sababu tuko pamoja na sisi ni sehemu ya utumishi wa Taifa,” alisema.

Waziri Mkuu anarejea Dodoma jioni hii kuendelea na vikao vya Bunge.
IMETOLEWA NA:
OFISI YA WAZIRI MKUU,
JUMAPILI, JANUARI 31, 2016.

No comments :

Truck Driving Schools
Idadi ya Watu