Friday, February 19, 2016

WANAWAKE WENGI HUWATENGENEZEA WADADA WA KAZI MAZINGIRA YA KUVURUGA NDOA ZAO BILA WAO KUJUA

MUME: Darling ninakikao mkoani kesho naomba niandalie vitu please

MKE: Dada zile nguo za baba pamoja na soksi ulifua?

DADA: Ndio nimepanga kabatini.

(Mama anarudi chumbani na kumuomba hubby wakacheki TV sebuleni lakini baada ya muda mama anamuita dada akapange suruali kadhaa na mashati kwa ajili ya safari ya kesho, dada anapanga kila kitu anatoka.)

MKE: Kama tayari hakikisha unarekebisha yale mashuka pale kitandani weka na maji bafuni. (Dada anafanya na kwenda zake kulala, asubuhi dada anaamka mapema na kuandaa kila kitu ikiwamo na chai, baba anakunywa chai na kutaka kuondoka.)

MKE: Dada msindikize baba ili ufunge geti sababu bado ni giza.

DADA: Sawa mama.

(Dada anatoka na begi la baba hadi nje kwavile mkewe yupo ndani, baba anamtaka dada abaki vizuri na watoto, dada anaitika na kusema na wao wanamuombea safari njema. Baada ya muda baba anarudi toka safari.)

MKE: (Huku akitabasamu) dada si umemuona baba amerudi vipi chakula tayari?

DADA: Ndio.

MKE: Haya kapange meza vizuri mimi nandaa juice. (Baada ya muda wanakula na baba anagundua juice sio nzuri anaamua kuiacha na kusema leo wamesahau kuweka baadhi ya vitu hivyo hataweza kuinywa. Baadae baba anakumbuka kuwa aliacha boxer zake kwenye ndoo ya maji chumbani na kufunika mfuniko, anamuuliza mama vipi zile nguo zangu kwenye ndoo zilifuliwa? Maana nilisahau kusema kama zina maji.)

MKE: (Dada njoo hapa) hivi zile nguo za baba chumbani ulifua?

DADA: Ndio mama (lakin hasemi kama alianua na kuweka chumbani kwake akidhani atakunja baada ya kazi kupungua)

MKE: Darling zilifuliwa.

MUME: Na watoto vipi wameshalala?

MKE: Anajibu wamelala darling.

MUME: Vipi dereva wao alifika kuchukua pesa yake?

MKE: Dada eti uncle Hassan amechukua pesa yake?

DADA: Hapana wamembadilishia gari uncle Hassan amesafiri kwa muda.

MKE: Tutampatia darling siku akirudi acha dada aendelee kuitunza.

MUME: Basi vizuri, ehee vipi na tution walienda leo?

MKE: Ndio walienda (anamgeukia dada, si eti ee walienda si eti).

DADA: Hapana Kelvin anaumwa leo siku ya pili nilinunua dawa dukani nimempa lakini hajambo.

MKE: (anashangaa) hee! mtoto mgumu huyu kumbe jana alikuwa mgonjwa halafu wala!!! alikua anacheza tu jamani watoto!! Asante dada umefanya vizuri!!

MUME: Haya mimi niwaache nataka nikapumzike lakini nitaomba zile boxer nichome kabla ya kulala sababu zimeanza kuchoka! (mke anaingia chumbani anafungua kabati na kuzikosa lakini kabla hajajieleza anamuona dada analeta mzigo wa boxer zikiwemo chupi za mama na mataulo).

MUME: Basi dada zirudishe tutachambua kesho nenda kafanye kazi zako. (Mume anainuka na kuelekea kulala, lakini anagundua mke wake alimwaga nguo kitandani wakati anatafuta boxer hivyo anaamua kurudi sebuleni ili aombe kuandaliwa kitanda, kwavile chumba cha dada kipo jirani na chao anagundua dada ameacha mlango wazi, anaamua kuufunga ili mbu wasiingie lakini anaona baadhi ya mashati na suruali zake zikiwa zimenyooshwa na kuwekwa pembeni huku kitanda kikiwa kimetandikwa kwa ustadi anaamua kufunga mlango na kutoka, anafika sebuleni anakuta mama anatazama tamthilia anamwambia akatandike kitanda.)

MKE: Dada njoo... (Kwa sauti ya kunong'ona) naomba ukatandike kitanda haraka

DADA: Tayari nilipeleka viatu vya baba nikaamua kutoa na zile nguo. (Mke anaamka na kwenda kuhakikisha anarudi na kumwambia mumewe tayari aende akalale... mume anaenda kulala lakini huku akijuiliza sana ni nini amfanyie huyu dada kwa ukarimu anaowafanyia hapo nyumbani, kwanza anajua ni vitu gani baba anabeba akiwa safarini, ndio pekee anayemtakia safari njema na kumuombea, ndio anayefua boxer zake na kutunza vizuri, ndiyo anayepika chakula kitamu, ndiyo anayetandika kitanda chake, ndiyo anayejua juice gani baba anapenda, ndiyo anayejua kama watoto wamerudi vipi kutoka shule, vilevile ndio anayejua kama watoto wake wanaumwa ama vipi....)

Sasa mnafikiri baba atamzawadia nini huyu binti ambae amebakiza kujua style anazopenda baba tu, si atamfundisha ili kesho asimsumbue tena mke wake ambaye kila kitu lazima amuulize dada...

Tunajifunza nini!

No comments :

Truck Driving Schools
Idadi ya Watu