Mkurugenzi wa Maendeleo ya Vijana Ofisi ya Waziri Mkuu Kazi,Vijana ,Ajira na Wenye Ulemavu Ndugu Jemsi Kujusi akifungua mafunzo ya stadi za maisha kwa wawezeshaji kitaifa kanda ya Magharibi katika ukumbi wa Hospital ya Rufaa Mbeya Desemba 13, 2017.
Washiriki wa Mafunzo ya stadi za maisha kwa wawezeshaji kitaifa kanda ya Magharibi wakisikiliza kwa makini hotuba ya Mkurugenzi wa Maendeleo ya Vijana Ofisi ya Waziri Mkuu Kazi,Vijana ,Ajira na Wenye Ulemavu (hayupo Pichani )Ndugu Jemsi Kujusi katika ukumbi wa Hospital ya Rufaa Mbeya Desemba 13 .
Mwakilishi wa Katibu Tawala Mkoa wa Mbeya katika mafunzo hayo Ndugu George Mbijima akizunngumza katika mafunzo hayo
Washiriki wakifuatilia kwa makini mafunzo.
Afisa Vijana jiji la Mbeya ambaye ni Mwenyekiti wa Mafunzo ya Stadi za Maisha kwa wawezeshaji kitaifa Kanda ya Magharibi Mkoa wa Mbeya Ndugu Baraka Mronga akitoa neno la shukrani kwa mgeni rasmi katika mafunzo hayo.

Na Emanuel Madafa, Mbeya.

Serikali inayo wajibu wa kuhakikisha kuwa inawaondoa vijana kwenye mazingira hatarishi na kuhimiza ushiriki wao kwenye shughuli za kijamii na kiuchumi ili kuleta maendeleo katika ngazi zote.

Imeelezwa kuwa takribani asilimia 56 ya nguvu kazi ya Taifa ni vijana wenye umri kati ya miaka 15 hadi 35 kwa mujibu wa ripoti ya nguvu kazi ya mwaka 2014 .

Akizungumza jijini Mbeya wakati wa ufunguzi wa mafunzo ya stadi za maisha kwa wawezeshaji kanda ya magharibi,Mkurugenzi wa maendeleo ya vijana Ofisi ya Waziri Mkuu ,kazi,Vijana ,ajira na wenye ulemavu Ndugu Jemsi Kujugusi amesema serikali mara baada ya kubaini hali hilo iliamua kutengeneza viwango vya ufundishaji wa stadi za maisha kwa vijana nje ya shule kwa kuandaa muongozo sanifu.

Amesema muongozo huo ulinzinduliwa mwaka 2011 na baada ya hapo iliendelea na jitihada za kuhakikisha kuwa kunakuwa na wawezeshaji wa kitaifa ambao jukumu lao linakuwa ni kutoa mafunzo kwa waelimishaji rika katika mikoa yao ili kuwafikia vijana wengi zaidi kwa ngazi zote.

Mkurugenzi huyo amesema kazi ya kuwaanda vijana kuwa wawezeshaji kitaifa ilianza Kanda ya Ziwa mwaka 2015 ambapo serikali iliendelea na jitihada za kuendeshav mafunzo kwa wawezeshaji kitaifa kutoka mikoa ya kanda ya kati ,Pwani na mashariki.

Amesema hadi Agosti 2017 jumla ya wawezeshaji kitaifa 60 walikuwa wamefikiwa ambapo lengo la serikali ni kuwa na wawezeshaji 78 kwa nchi nzima .

Mkurugenzi huyo amewataka washiriki wa mafunzo hayo kwa kanda ya magharibi ambo ni ,Ruvuma,Kigoma,Songwe,Mbeya,Katavi kuhakikisha kuwa wanatambua kuwa wanajukumu kubwa kwani serikali kupitia wao inataka kuona vijana wakishiriki kwenye shughuli mbalimbali za kiuchumi na kuachana tabia za kukaa vijiweni..
Kajunason Blog

Kajunason Blog

A Tanzanian blog operating since October 2007, covering Local News, Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers / viewers.

Toa Maoni Yako:

0 comments: