Friday, April 27, 2018

AIRTEL YAWASOGEZEA HUDUMA KARIBU WAKAZI WA BABATI

 Mkuu wa wilaya ya BABATI mkoani MANYARA, RAYMOND MUSHI akizungumza machache katika ufunguzi wa duka jipya la Airtel Tanzania ndani ya mji wa BABATI.
 Mkuu wa wilaya ya BABATI mkoani MANYARA, RAYMOND MUSHI akikata utepe wakati wa ufunguzi wa duka jipya la Airtel Tanzania ndani ya mji wa BABATI.

Mkuu wa wilaya ya BABATI mkoani MANYARA, RAYMOND MUSHI amewataka wakazi wa wilaya hiyo, kutumia fursa za mitandao ya simu kutunza fedha zao wanazopata baada ya kuuza mazao yao kwani itakalowasaidia kurahisisha biashara zao pamoja na kuepuka uwezekano wa kuporwa fedha za mauzo.

Akizungumza wakati wa uzinduzi wa duka la kampuni ya simu za mikononi ya AIRTEL wilayani BABATI, MUSHI amesema wakulima wengi wanatoka katika maeneo ya Vijijini hivyo wanashindwa kuhifadhi fedha zao sehemu salama lakini iwapo wakitumia vema duka hilo watawaweza kutunza fedha kwa urahisi na kufikia malengo waliyokusudia.

Naomba kuchukua fursa hii kuwapongeza kwa kujali wateja wao kwa kufungua duka hili la kisasa hapa. Ni nyinyi sasa mnaotakiwa kutumia huduma za Airtel kama Airtel Money ili kutunza fedha zenu. Nimepata taarifa kuwa kwa kutumia Airtel Money unaweza kutuma na kupokea fedha kutoka mtandao wowote hapa nchini, ukaifadhi fedha zako kwenye akaunti ya Airtel Money. Hii ni jambo njema na nawaomba mtumie hiyo nafasi kutumia huduma zao, alisema Mushi.

Meneja wa AIRTEL mkoa wa MANYARA, POLAS EMMANUEL amesema kampuni ya AIRTEL imelenga kuwawezesha wananchi kwakufikasha huduma vijijini.

Kufunguliwa kwa duka hilo ni mwendelezo wa kampuni ya Airtel kusogeza huduma karibu kwa wateja badala ya kuzifuata kwenye maduka makubwa mijini alisema Emmanuel huku akiongeza kuwa duka hili la kisasa ni moja ya maduka mengi katika kanda ya Kazikazini na litatoa huduma zote zinazopatikana kwenye maduka makubwa,na hakuna kuwa na upungufu wa kutoa fedha, alisema Mushi

Kwa upande wake msimamizi wa duka hilo RICHARD MINJA amesema fursa hiyo ni muhimu kwani vijana wengi watapata ajira kutokana na huduma zitakazokuwa zinatolewa.

Mmoja wa watumiaji wa huduma ya AITEL, JOHN MMARI amesema kufunguliwa kwa duka hilo kutawasaidia kupata huduma za haraka hususani wanapotaka kutoa fedha na kuweka.

No comments :

Truck Driving Schools
Idadi ya Watu