Rais wa Jamhuri ya Muungano wa Tanzania Dkt. John Pombe Magufuli akishuka kwenye ndege ya Shirika la Ndege la Tanzania Air Tanzania mara baada ya kuwasili katika uwanja wa ndege wa Chato mkoani Geita.
Rais wa Jamhuri ya Muungano wa Tanzania Dkt. John Pombe Magufuli akielekea kuwasalimia Wafanyakazi wa Zimamoto pamoja na wafanyakazi wa Mamlaka ya Viwanja vya Ndege nchini TAA mara baada ya kuwasili katika uwanja wa ndege wa Chato mkoani Geita.
Rais wa Jamhuri ya Muungano wa Tanzania Dkt. John Pombe Magufuli akisalimiana na wafanyakazi wa Mamlaka ya Viwanja vya Ndege nchini TAA mara baada ya kuwasili katika uwanja wa ndege wa Chato mkoani Geita.
Rais wa Jamhuri ya Muungano wa Tanzania Dkt. John Pombe Magufuli akiwashukuru wafanyakazi wa Mamlaka ya Viwanja vya Ndege nchini TAA mara baada ya kuwasili katika uwanja wa ndege wa Chato mkoani Geita.
Rais wa Jamhuri ya Muungano wa Tanzania Dkt. John Pombe Magufuli akiwasalimia wakazi wa Njia Panda Wilayani Chato mara baada ya kuwasili akitokea jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli akiwasalimia Wafanyakazi wanaofanyakazi za ujenzi katika Kiwanja cha ndege cha Chato (hawaonekani pichani) wakati akiondoka eneo hilo mara baada ya kuwasilRais wa Tanzania, John Magufuli amewapongeza wananchi Chato mkoani Geita kwa kuitikia wito wa Serikali ya Tanzania kuongeza kwenye uzalishaji mali, hatua iliyochangia wilaya hiyo kupiga hatua za maendeleo.

Taarifa iliyotolewa leo Jumatatu Julai Mosi, 2019 na Mkurugenzi wa Mawasiliano ya Rais Ikulu ya Tanzania, Gerson Msigwa imesema Rais Magufuli ametoa pongezi hizo wakati akiwasalimia wananchi hao katika eneo la Njiapanda, muda mfupi baada ya kutua kwenye Uwanja wa Ndege wa Chato akitokea Dar es Salaam.

Katika taarifa hiyo, imeeleza kuwa akiwa angani Rais Magufuli amefurahishwa kuona namna wananchi wa Chato walivyochangamka kimaendeleo kwa kujenga nyumba za kuishi za kisasa, majengo ya biashara, majengo ya huduma za jamii na mashamba ya mazao mbalimbali.

“Nawapongeza wakazi wa Chato, mnachapa kazi kwelikweli na maendeleo yanaonekana. Chato inabadilika, nilishasema asiyefanya kazi na asile, tuendelee kushikamana,” amesema Rais Magufuli.

Mbali na hilo, Rais Magufuli ametoa wito kwa Watanzania kuendelea kuchapa kazi kwa juhudi na maarifa, kushikamana na kutobaguana ili kulijenga Taifa kwa pamoja.

Kwa mujibu wa taarifa hiyo, Rais Magufuli yupo katika Kijiji cha Mlimani wilayani Chato kwa ajili ya mapumziko akitokea jijini Dar es Salaam.
Kajunason Blog

Kajunason Blog

A Tanzanian blog operating since October 2007, covering Local News, Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers / viewers.

Toa Maoni Yako:

0 comments: